ئەمڕۆ چوارشەممە ئەنجومەنی وەزیرانی هەرێمی کوردستان کۆدەبێتەوە.
بەگوێرەی کارنامەی کۆبوونەوەکە، بارودۆخى دارایی نوێى هەرێمى کوردستان و خەرجییەکان لەدواى جێبەجێکردنى رێککەوتنى سێ قۆڵیى هەناردەکردنى نەوتى هەرێمى کوردستان تاووتوێدەکرێت.
هەر بەگوێرەی کارنامەکە، تەوەرێکی دیکەی کۆبوونەوەکە بابەتى پۆلێنکردنى داهاتە نانەوتییەکان و دەستنیشانکردنى بەشى گەنجینەى فیدراڵى و خستنەڕووى رەشنووسى بڕیارى ئەنجومەنى وەزیرانى هەرێمى کوردستان دەبێت.
هەڵوەشانەوەی چەند بڕیارێکی پێشووتری ئەنجومەنی وەزیرانی هەرێم و رێبەری سەلامەتی کە لەلایەن وەزارەتی ناوخۆوە دەرکراوە، تەوەرێکی دیکەی کۆبوونەوەکە دەبێت.
