بڕیارە ئەمڕۆ ئەنجومەنی وەزیرانی عێراق لە پەراوێزی کۆبوونەوەی ئاسایی خۆیدا، گفتوگۆ لەبارەی چارەنووسی مووچەی مانگەکانی هەشت و نۆی فەرمانبەرانی هەرێم بکات.
سەرچاوەیەکی ئاگادار لە ئەنجومەنی وەزیرانی عێراق رایگەیاند، بەوپێیەی ئەمە یەکەم کۆبوونەوەی ئەنجومەنی وەزیرانە لە دوای دەستپێکردنەوەی هەناردەی نەوتی هەرێمی کوردستان، ئەگەری هەیە لە کۆبوونەوەکەدا بڕیاری خەرجکردنی مووچەی مانگەکانی ئاب و ئەیلولی مووچەخۆرانی هەرێمی کوردستان بدرێت.
هەفتەی رابردوو، ئەنجومەنی وەزیرانی عێراق بڕیاری خەرجکردنی مووچەی مانگی حەوتی مووچەخۆرانی هەرێمی دا، بەڵام تاوەکو ئێستا، پارەی مووچەی ئەو مانگە نەخراوەتە سەر هەژماری بانکیی وەزارەتی دارایی هەرێم.
