پارێزگاری بانکی ناوەندیی عێراق رایدەگەیەنێت، وڵاتەکە لە دۆخێکی سەقامگیری ئابووریدایە و کەمترین رێژەی هەڵاوسانی ئابووری تۆمارکردووە، هەروەها یەدەگی خۆراکی پێویستیش هەیە.
عەلی عەلاق، پارێزگاری بانکی ناوەندیی عێراق لە وتارێکدا لە دیداری ‘عێراق بۆ وەبەرهێنان’ رایگەیاند، “عێراق ئێستا لە قۆناغی سەقامگیری، چاکسازی و کرانەوەدایە بەڕووی وەبەرهێناندا، بانکی ناوەندیش بووەتە بنچینەی سەرەکیی ئەو سەقامگیرییە”.
باسی لەوەشکرد، “ئەو سەقامگیرییە ئابورریەی لەئارادایە دەرەنجامی سیاسەتی رۆژانەی بانکی ناوەندی و بەڕێوەبردنی دروستی یەدەگی دارایی، هاتووەتە ئاراوە”.
وتیشی، “لە ئێستادا عێراق کەمترین رێژەی هەڵاوسان بە درێژایی مێژوو بەخۆیەوە دەبینێت، ئەمەش رەنگدانەوەی سەرکەوتنی سیاسەتی نەختینەیە.”
