ئەندامێکی ئەنجومەنی نوێنەرانی عێراق رایگەیاند، بەپێی یاسای بودجە و بڕیاری دادگای باڵای فیدراڵیی عێراق، نابێت هیچ مووچەیەکی ئەمساڵ بفەوتێت.
دارا سێکانیانی، ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، دۆسیەی نەوت یەکێک بوو لە ئاڵۆزترین و سەرەکیترین گرفتە قووڵەکانی نێوان هەرێم و بەغداد و بە هەناردەکردنەوەیشی، کێشەکە بەشێوەیەکی ریشەیی چارەسەردەبێت.
وتیشی، ئەگەر لە نەوتەکەدا گفتوگۆکان بەرەوپێشچوون و کێشەکان کۆتاییانهات، بابەتی داهاتی نانەوتییش نابێتە گرفتی نێوان هەرێم و بەغداد.
ئاماژەی بەوەشکرد، بەپێی یاسای بودجە و بڕیاری دادگای فیدراڵی، نابێت هیچ مووچەیەکی ئەمساڵ بفەوتێت؛ بۆ ئەمەش چاوەڕوانی رۆژانی ئایندەین کە هەنگاوەکانی هەردوولا، بە چ ئاراستەیەکن.
