وەزارەتی شارەوانی هەرێم لیستێکی ئاڕاستەی ئەنجومەنی وەزیرانی هەرێم کرد کە لە شەش هەزار ناو پێکدێت و ناوی خانەنشینان و پێشمەرگەی تێدایە.
سەربەست مەولود، سەرۆکى لیژنەى دابەشکردنى زەوى فەرمانبەران لە وەزارەتى شارەوانى و گەشتوگوزار لە لێدوانێکدا راگەیاند، “کۆتا لیستى ناوى فەرمانبەران و خانەنشینان کە پەسەندکراوە، 12 هەزار کەس بووە، ئەمڕۆ لیستێکى شەش هەزار کەسى بەرزکراوەتەوە بۆ ئەنجومەنى وەزیران کە لە ناوی خانەنشینان و پێشمەرگە پێکهاتووە”.
وتیشی، “بەپەسەندکردنى، ئەم لیستە دەبێتە کۆتا لیست بەو ئەندازە ناو و ژمارەیە، چونکە پرۆسەکە لە قۆناغى کۆتایی نزیکبووەتەوە، تاوەکو ئێستا ئەنجومەنى وەزیران رەزامەندیی نیشانداوە بە پێدانى زەوى بە زیاتر لە 474 هەزار کەس”.
باسی لەوەشکرد، “هەندێک لە وەزارەت و دامودەزگاکان لە ناردنى لیستى ناوەکان درەنگ کەوتوون، بەتایبەت وەزارەتى پێشمەرگە و بەڕێوەبەرایەتییەکانیی خانەنشینى”.
