برایەکی ئەکبەری حاجی رۆستەم دوای کوشتنی دوو کەس بەرەو شاری هەولێر هەڵات.
سەرچاوەیەکی ئاگادار بە تۆڕی میدیایی ئێستای راگەیاند، “بەیانی ئەمڕۆ جمهور حاجی رۆستەم کە برای ئەکبەری حاجی رۆستەمە و ئەفسەری باڵایە لە هێزەکانی زێرەڤانی، چووتە سەر ماڵێکی بە رەگەز عەرەب و دوو کەسی کوشتووە”.
ئاماژەی بەوەشکرد، “رووداوەکە بەهۆی ئەوەوە بووە ئەندامێکی ئەو خێزانە لە کوشتنی ئەکبەری حاجی رۆستەمدا تۆمەتباربووە”.
ئاشکراشیکرد، “دوای رووداوەکە تۆمەتبارەکە کە برای ئەکبەری حاجی رۆستەمە بەرەو شاری هەولێر هەڵاتووە”.
