وەزارەتی بازرگانیی هەرێم بڵاویکردەوە، ئامادەکاریی دەکرێت بۆ بە ئەلیکترۆنیکردنی سەرجەم رێکارەکانی کردنەوەی لق و متمانە بەراییەکانی کۆمپانیاکان.
وەزارەتی بازرگانی و پیشەسازیی هەرێم لە راگەیەندراوێکدا ئاشکرایکرد، پاش کۆبوونەوەی بەڕێوەبەرایەتیی گشتیی تۆمارکردنی کۆمپانیاکانی هەرێم و فەرمانگەی تۆمارکردنی کۆمپانیاکانی حکومەتی فیدراڵی، سەرەڕای ئەوەی پێشتر بەشێک لە رێکارەکان بە شێوەی ئەلیکترۆنی ئەنجامدرابوون، ئامادەکاری دەکرێت بۆ بە ئەلیکترۆنیکردنی سەرجەم رێکارەکانی کردنەوەی لق و متمانە بەراییەکانی کۆمپانیاکانی هەرێم لە بەغداد و بەپێچەوانەوە.
ئاماژەی بەوەشکرد، رێکارەکان بەشێوەیەک دەبن کە وەبەرهێنەران تەنها بە یەک سەردان بتوانن سەرجەم کاروبارەکانیان جێبەجێبکرێن.
