لە پەراوێزی کۆبوونەوەی لوتکەی وڵاتانی ئیسلامی لە دەوحەی پایتەختی قەتەر، هەریەک لە محەمەد شیاع سودانی، سەرۆک وەزیرانی عێراق و مەسعود پزیشکیان، سەرۆکی ئێران کۆبوونەوە و گفتوگۆی هەندێک پرسی تایبەت بە ناوچەکەیان کرد.
نووسینگەی راگەیاندنی سەرۆک وەزیرانی عێراق بڵاویکردەوە، لە کۆبوونەوەکەدا هەردوولا باسیان لە گرنگترین بەرەوپێشچوونەوەکانی ئەم دواییەی ناوچەکە و بەردەوامیی هەماهەنگییەکانی نێوان هەردوو وڵات کردووە، دڵنیاییان داوە کە رێگە نەدرێت بازنەی ململانێکان لە ناوچەکەدا لەوە زیاتر تەشەنە بکات.
هەر لە درێژەی راگەیەندراوەکەدا هاتووە، لە کۆبوونەوەکەدا سودانی و پزیشکیان جەختیان لەوە کردووەتەوە، پێویستە هەمیشە لە رێگەی گفتوگۆی دیپلۆماسییەوە گرژییە سیاسی و ئەمنییەکان چارەسەربکرێن.
ئەوەش خراوەتەڕوو، هەروولا گفتوگۆی بەهێزترکردنی پەیوەندییەکانی نێوان عێراق و ئێرانیان کردووە ، بەتایبەتیش لە بوارەکانی ئابوری و گەشەپێدان.
.
