وەزیری سامانە سروشتییەکان، رایگەیاند، کێشە و ئاستەنگەکانی بەردەم هەناردەکردنەوەی نەوت بەمنزیکانە چارەسەردەبن.
وەزارەتی سامانە سروشتییەکانی هەرێم، لە راگەیەندراوێکدا بڵاویکردەوە، کەمال محەمەد ساڵح، وەزیری سامانە سروشتییەکان پێشوازیی لە لیو جیون کونسوڵی گشتیی کۆماری میللیی چین لە هەرێمی کوردستان کرد.
وتیشی، لە دیدارێکدا بە ئامادەبوونی ژمارەیەک لە بەرپرسانی وەزارەت، کونسوڵی چین نزیکبوونەوەی گەیشتن بە چارەسەری دۆسیەی نەوتی نێوان عێراق و هەرێمی کوردستانی بەرزنرخاند و ئامادەیی وڵاتەکەشی بۆ پاڵپشتیکردنی ئەم هەنگاوانە پیشاندا.
لە راگەیەندراوەکەدا هاتووە، وەزیری سامانە سروشتییەکان ئاماژەی بە چارەسەرکردنی کێشە و ئاستەنگەکانی بەردەم هەناردەکردنەوەی نەوتی هەرێم کرد کە بەمنزیکانە روو لە چارەسەرکردن دەکات.
