پۆلیسی سلێمانی، رایگەیاند، دوو تۆمەتبار کە هاوسەری یەکترن دەستگیركران.
بەڕێوەبەرایەتیی پۆلیسی پارێزگای سلێمانی، بڵاویکردەوە، نووسینگەی نەهێشتنی تاوانی رزگاری لەسەر بڕیاری دادوەر هەستان بە لێكۆڵینەوە و بەدواداچوون بۆ دۆزینەوەی تۆماتباران و دەستگیركردنیان دوای ئەوەی تۆمەتباران چووبوونە شارێكی دیکەی هەرێم.
دەشڵێت، سەرئەنجام دوای لێكۆڵینەوەكان و بەدواداچوونەكانی پۆلیس توانرا تۆمەتباران لەلایەن نووسینگەی نەهێشتنی تاوانی رزگارییەوە دەستگیربكرێن .
پۆلیسی سلێمانی ئەوەش دەڵێت، ئێستا تۆمەتباران كە هاوسەری یەكترن و خەڵكی دەرەوەی هەرێمی كوردستانن، بەبڕیاری دادوەر و بەپێی ماددەی 446 لە یاسای سزادانی عێراقی راگیراون و دانیان بەتاوانەكەیاندا ناوە.
