بەڕێوەبەرایەتیی ئاسایشی شارەزوور رایدەگەیەنێت، ئەو پیاوەی لە هەڵەبجە هاوسەر و کچەکەی خۆی کوشت، دەستگیرکرا.
بەڕێوەبەرایەتیی ئاسایشی سلێمانی لە راگەیەندراوێکدا بڵاویکردەوە، بەڕێوەبەرایەتیی ئاسایشی شارەزوور ئەو تۆمەتبارەی دەستگیرکرد کە ئەمشەو 6ـی 9ـی 2025، لە پارێزگای هەڵەبجە بە هۆکاری کێشەی کۆمەڵایەتی، کچ و خێزانەکەی خۆی دەکوژێت و دوای رووداوەکە هەڵدێت.
ئاماژەی بەوەشکرد، ئاسایشی شارەزوور بە بڕیاری دادوەری لێکۆڵینەوە، دەستبەجێ بەدواداچوون و لێکۆڵینەوەی ئەنجامدا و لە ماوەی کەمتر لە دوو کاتژمێردا، توانییان دەستگیریبکەن؛ هەرچەندە لەکاتی دەستگیرکردنیدا، تۆمەتبار هەوڵی خۆکوشتنی دابوو.
دەشڵێت، لەئێستادا تۆمەتبار دەستگیرکراوە و لێکۆڵینەوە لە رووداوەکە بەردەوامە.
