کاکە ئیسماعیل عومهر خدر ناسراو بە (سەید کاکە) پێشمەرگەی دێرین لە تەمەنی 93 ساڵیدا کۆچیدوایی کرد.
سەید کاکە لە ساڵی 1932 لە شاری هەولێر لە دایکبووە، دەرچووی قۆناغی سەرەتاییە، لە ساڵی لە ساڵی 1953 دەستی بە خەباتی سیاسی کردووە و پەیوەندی بە پارتی دیموکراتی کوردستانەوە کردووە.
ناوبراو لە 31 ئابی 1977 بەشداری لە یەکەمین کۆبوونەوەی سەرکردایەتی یەکێتیی نیشتمانیی کوردستان لە دۆڵە کۆستێ کردووە و بە فەرماندەی هەرێمی دەشتی هەولێری یەکێتیی نیشتمانیی کوردستان هەڵبژێردراوە.
سەید کاکە لە ماوەی ژیانیدا چەند جارێک دەستگیرکراوە و زیندانیکراوە و جارێکیش لە هەوڵێکی تیـ.ـرۆرسـ.ـتی رزگاری بوو.
نیوەڕۆی ئەمڕۆ سەید کاکە پێشمەرگەی دێرین و سیاسەتوان لە شاری هەولێر بۆ دواجار ماڵئاوایی کرد.
