وەزیری پەروەردەی هەرێم، رایگەیاند، “ساڵی نوێی خوێندن وابەستەی زیرەکیی دەستکرد دەکرێت”.
ئالان حەمەسەعید، وەزیری پەروەردەی هەرێم رایگەیاند، قوتابخانەیەکی دیجیتاڵیی کارلێکەرانەمان دروستکردووە، رۆژی پێنجشەممەی داهاتوو لە سێیەمین کۆڕبەندی پەروەردەیی کوردستان پلاتفۆڕمێک رادەگەیەنین کە کارێکی ناوازە و بێوێنە لە رۆژهەڵاتی ناوەڕاست دەخرێتە بەردەم مامۆستا، خوێندکاران و خانەوادەکانیان.
بۆ ساڵی نوێی خوێندن، لە نزیکەی 50 قوتابخانە سمارت بۆرد دادەنێین، مامۆستاکان دەتوانن چیتر کتێب بەکارنەهێنن و سوود لە پلاتفۆڕمی دیجیتاڵی وەربگرن کە واسبەستەکراوە لەگەڵ زیرەکیی دەستکرد، پۆلەکانی یەک، دوو و سێمان تەواوکردووە.
