کەناڵی فۆکس نیوزی ئەمریکی رایدەگەیەنێت، رۆژی 11ـی ئاب (دووشەممە) کۆبوونەوەی نێوان دۆناڵد ترەمپ، سەرۆکی ئەمریکا و ڤلادیمیر پوتن، هاوتا رووسییەکەی بەڕێوەبچێت.
کەناڵەکە لە زاری چەند سەرچاوەیەکی ئاگادارەوە ئاماژە بەوە دەکات، شاری رۆمای پایتەختی ئیتاڵیا، یەکێک بووە لەو شوێنانەی کە پێشنیازکراوە بۆ ئەنجامدانی کۆبوونەوەکە و ئاژانسی تاس-ی رووسییش، ئەمەی پشتڕاستکردووەتەوە.
هاوکات بەپێی چەند سەرچاوەیەکی دیکە، لە ئەگەری ئەوەی کۆبوونەوەکە لە رۆما بەڕێوەنەچێت، رەنگە وڵاتێکی عەرەبی بۆ شوێنی کۆبوونەوەکە دیاریبکرێت.
