نرخی نەوت بەیانی ئەمڕۆ پێنجشەممە 28ی کانونی دووەم دابەزی، بەهۆی ئەوەی یەدەگی نەوتی ئەمریکا کاریگەری لەسەر بەرزبوونەوەی بەهای دۆلاری ئەمریکی هەبووە، هەروەها بەهۆی ترس لە کەمبوونەوەی خواست لەسەر نەوت و دواکەوتنی ڤاکسینی کۆرۆنا.
نەوتی خاوی برێنت 36 سەنت و بەڕێژەی %0.65 نرخەکەی دابەزی، و بەمەش نرخی بەرمیلێک نەوتی برێنت گەیشتە 55.45 دۆلار.، دوای ئەوەی ڕۆژی چوارشەممە 10 سەنت لە نرخەکەی لەدەستدا.
هەروەها نرخی نەوتی خاوی تەکساس، 33 سەنت و بەڕێژەی %0.62 دابەزی و بەمەش نرخی بەرمیلێک نەوتی تەکساس گەیشتە 52.52 دۆلار.
نرخی دۆلاری ئەمریکی بەشێوەیەکی زۆر بەرزبووەوە و بەپێی ئاماژەکانی بازاڕی جیهانی نرخەکەی بەرامبەر دراوەکانی ڕکابەری گەیشتە 90.753 ئەمەش بەهۆی بەربوونەوەی کڕینی کاڵا بە دۆلار.
