پۆلیسی سلێمانی رایگەیاند، شەش دەرۆزەکەر لەسەر رێگای عەربەت-سلێمانی دەستگیرکران.
بەڕێوەبەرایەتیی پۆلیسی پارێزگای سلێمانی، لە راگەیەندراوێکدا بڵاویکردەوە، لە هەڵمەتێكی مەفرەزەكانی بەشی پۆلیسی نەهێشتنی تاوانی سلێمانی بەمەبەستی دەستگیركردنی ئەو كەسانەی كاری دەرۆزەكردن دەكەن لەناوشار و دەرەوەی شاری سلێمانی، توانرا حەوت دەرۆزەكەر لەسەر رێگای عەربەت – سلێمانی دەستگیربكرێن كەلەسەر ئەو رێگایە دەوەستان .
دەشڵێت، ئێستا سەرجەمیان بەبڕیاری دادوەر راگیراون و پەڕاوی لێكۆڵینەوەیان بۆ كراوەتەوە، هەڵمەتی دەستگیركردنی ئەو كەسانەی كە كاری دەرۆزەكردن دەكەن بەردەوامدەبێت و رووبەڕووی یاسا دەكرێنەوە .
