سەرۆكی فراكسیۆنی یەكێتی لە ئەنجومەنی نوێنەرانی عێراق مەرجی ناردنی مووچەی مووچەخۆرانی هەرێم ئاشكرادەكات.
هەرێم كەمال ئاغا، سەرۆكی فراكسیۆنی یەكێتی لە ئەنجومەنی نوێنەرانی عێراق رایگەیاند، رێككەوتن كراوە و دەبێت هەرێم و بەغداد جێبەجێی بكەن كە رادەستكردنی 120 ملیار دینار داهاتی ناوخۆی هەرێم و 230 هەزار بەرمیل نەوتی رۆژانەیە ئەو كات پارەی تەرخانكراو بۆ مووچە دەنێردرێت، ئەگەر ئەوە نەكرا پارە نانێردرێت.
راشیگەیاند، دەبێت ئەو لیژنانەی پێكهێندراون روونكردنەوە لەسەر كێَشەكان بدەن و هەناردەی نەوتی هەرێمی كوردستان دەستپێبكاتەوە.
