سەرۆک وەزیرانی عێراق رایدەگەیەنێت، پارەی تەواویان بۆ باشترکردنی بەرهەمهێنانی کارەبا لە سەرتاسەری عێراق تەرخانکردووە.
بەیانیی ئەمڕۆ شەممە، محەمەد شیاع سودانی، سەرۆک وەزیرانی عێراق بە سەردانێک گەیشتە پارێزگای سەڵاحەدین و پرۆژەی جێبەجێکردنی قۆناغی یەکەمی وێستگەی کارەبای دووەمی بێجی بە غاز، کردەوە.
سودانی لە لێدوانێکدا بۆ رۆژنامەنووسان رایگەیاند، حکومەتەکەی پارەی پێویستی بۆ پەرەپێدانی سەرجەم کەرتەکانی بەرهەمهێنان، گواستنەوە و دابەشکردنی کارەبا لە سەرانسەری وڵاتدا، تەرخانکردووە.
جەختیشی لەوەکردەوە، کەرتی وزە بناغەی هەر پلانێکی گشتگیری گەشەپێدانە و لە ئەولەویەتەکانی حکومەتەکەیەتی.
