لەکەناراوەکانی شاری تەبرق لە رۆژهەڵاتی لیبیا بەلەمێکی کۆچبەرانی نایاسایی ژێرئاوکەوت و بەهۆیەوە 18 کۆچبەر گیانیان لەدەستدا و 50 ی دیکەش بێسەروشوێن بوون.
ئاژانسی هەواڵی رۆیتەرز لە زاری بەرپرسانی رێکخراوی کۆچی نێودەوڵەتییەوە بڵاویکردەوە، لەکەناراوەکانی شاری تەبرق لە رۆژهەڵاتی لیبیا بەلەمێکی کۆچبەرانی نایاسایی ژێرئاوکەوت و بەهۆیەوە 18 کۆچبەر گیانیان لەدەستدا و 50 ی دیکەش بێسەروشوێن بوون و 10 کۆچبەریش رزگارکراون.
ئاماژەی بەوەشکرد، کۆچبەرەکان بە رەگەز میسری بوون، بەشێک لە تەرمەکانیش دوای دیاریکردنی ناسنامەکانیان گەڕێندرانەوە وڵاتەکەیان.
لە ئێستادا لیبیا بووەتە رێڕەوی گەیشتنی کۆچبەرانی نایاسایی بە وڵاتانی ئەوروپا و بەهۆیەوە زۆرینەیان ژیانیان دەکەوێتە مەترسییەوە.
