وتەبێژی بەڕێوەبەرایەتیی گشتیی کارەبای سلێمانی رایدەگەیەنێت، بەهۆی پارەنەدانەوە، کارەبای هیچ هاوڵاتییەکیان نەبڕیوە.
سیروان محەمەد، وتەبێژی کارەبای سلێمانی رایگەیاند، تاوەکو ئێستا لە سلێمانی بڕیاری بڕینی کارەبا بەهۆی پارەنەدانی هاوڵاتییانەوە نەدراوە.
وتیشی، لە هەولێر ئەو بڕیارە جێبەجێکراوە، بەهۆی ئەوەی ئەوان ساڵێکە چوونەتە ناو پرۆژەی رووناکییەوە و لای ئێمە هێشتا سەرەتایە، بۆیە هیچ بڕیارێک نییە کە ئەوانەی پارە نەدەن، کارەبایان ببڕدرێت.
