ماوەی چەندین کاتژمێرە ئاگرێکی گەورە دارستانەکانی هەردوو شاری ئۆرهانیلی و گۆرسۆ لە پارێزگای بۆرسەی تورکیا کەوتووەتەوە و بەهۆی بەهێزی با و خێرایی تەشەنەسەندنی مەترسی لەسەر دانیشتووانی ئەو ناوچانە دروستبووە.
میدیاکانی تورکیا بڵاویانکردەوە، ماوەی چەندین کاتژمێرە ئاگرێکی گەورە دارستانەکانی هەردوو شاری ئۆرهانیلی و گۆرسۆ لە پارێزگای بۆرسەی تورکیا کەوتووەتەوە، هاوکات بایەکی بەهێز هەڵیکردووە هەرچەندە چەندان تیمی ئاگرکوژێنەوە گەیشتوونەتە شوێنی رووداوەکە، بەڵام کۆنتڕۆڵکردنی ئەستەم بووە و مەترسی لەسەر دانیشتووانی ئەو ناوچانە دروستبووە.
ئاشکراشیانکرد، لە ئێستادا بڕیاری چۆڵکردنی کاراهیدیر لە گۆرسۆ دراوە و پاس بۆ گواستنەوەی هاوڵاتییانی ئەو ناوچانە ئامادەکراوە و لە ناو بۆرسەدا کەمپیان بۆ ئامادەکراوە.
