کۆبوونەوەی ئاسایی ئەمڕۆی ئەنجومەنی وەزیرانی هەرێمی کوردستان کۆتاییهات.
بەپێی بڵاوکراوەی فەرمانگەی میدیا و زانیاریی حکومەتی هەرێم، لە بڕگەی یەکەمی کۆبوونەوەکەدا، پێشهاتەكانی ئەمدواییەی تایبەت بە جێبەجێكردنی دوا رێككەوتن و لێکتێگەیشتنی هاوبەشی نێوان هەرێم و بەغداد؛ کە بە بڕیاری ئەنجومەنی وەزیرانی هەردوولا پەسەندکراوە، سەبارەت بە دۆسیەی مووچە و شایستە داراییەكانی هەرێم و دۆسیەی نەوت و داهاتی نانەوتی، تاوتوێکرا.
ئاشکراشیکرد، لە بڕگەی دووەمی کۆبوونەوەکەدا، كۆنووسی كۆبوونەوەی تایبەت بە جێبەجێكردنی دەقی رێككەوتننامەی نێوان حكومەتی هەرێمی كوردستان و حكومەتی فیدراڵی بەمەبەستی دانانی میكانیزمی رێكخستنی كارەكانی دەستەی پێوانەسازی و كۆنترۆڵی جۆریی هەرێم، تاوتوێکرا.
