ڕوداوێكی تەقەكردن لە شارۆچكەی عەنكاوە كوژرانی دوو برای لێكەوتەوە و تۆمەتبارانیش لە شوێنی ڕوداوەكە هەڵهاتوون.
ئێوارەی ئەمڕۆ چوارشەممە 27ی كانونی دووەم ڕوداوێكی تەقەكردن لە شارۆچكەی عەنكاوە لە هەولێر ڕوویدا.
پەیامنێرمان پێی ڕاگەیاندین، ڕوداوەكە لە نزیك نەخۆشخانەی ماریەمانە-ی عەنكاوە بووە و بەهۆیەوە دوو برای تەمەن 26 ساڵ و 32 ساڵ كوژراون.
ئەوەشی وت، دوو براكە لەنزیك ئۆتۆمبێلێكی جۆری لاندكرۆزەری درع كوژراون، چەندین فیشەكیش بەر ئۆتۆمبێلەكە كەوتووە.
دوابەدوای ڕوداوەكە تۆمەتباران هەڵهاتن و هێزە ئەمنییەكانیش گەیشتنە ناوچەكە و لێكۆڵینەوەكانیان دەستپێكرد.
