پێشڕەو مەلاوەیسی، رۆژنامەنووس و میدیاکار رایدەگەیەنێت، بافڵ جەلال تاڵەبانی، سەرۆکی یەکێتیی نیشتمانیی کوردستان دەتوانێت بەستەڵەكی نێوان هەرێم و بەغداد بتوێنێتەوە.
پێشڕەو مەلاوەیسی لە نووسینێکدا ئاماژە بەوە دەکات، “بافڵ جەلال تاڵەبانی، سەرۆكی یەكێتیی نیشتیمانیی كوردستان لە ماوەكانی رابردوودا توانیویەتی بە كارێزمایی خۆی و سیاسەتی سەرۆک (مام جەلال) لە ناوەندی بڕیاری عێراق وەک سەركردەیەكی كاریگەر، كاریگەریی هەبێت لەسەر پرسە سیاسی، ئابوری، نیشتیمانی و نەتەوەییەكان، بۆیە ئەم ئەم هەنگاوەی گرتویەتییەبەر بۆ تواندنەوەی ناكۆكییەكانی نێوان هەرێمی كوردستان و حكومەتی ناوەند، بێ دەرئەنجام نابێت”.
باسیلەوەشکردووە، “دەتوانم بەو پاشخانەی لە رابردوودا هەیبووە ئەو بڕوایەم بۆ دروستدەكات كە دەتوانێت كێشەی مووچە و ناكۆكییەكان كۆتایی پێبهێنێت و ئاهێک بۆ هەناسەساردیی مووچەخۆرانی هەرێمی كوردستان بگەڕێنێتەوە”.
ئەو رۆژنامەنووسە دەشڵێت، “لە یەک شەودا چەندین كۆبوونەوە لە ناوجەرگەی بڕیاری عێراق و ئەو پێشوازییانەی لێیكرا، دەرخەری هەڵهاتنی خۆرێكی نوێیە بۆ كۆتاییهاتنی كێشەكان و بونیادنانی دەرگایەكی نوێیە لە نێوان هەرێم و بەغداد، بۆیە بەوپەڕی ئومێدەوە، چاوەڕوانی دەرئەنجامی سەردان و كۆبوونەوەكانی دەكەین، بڕواشم وایە لە چەند رۆژی داهاتوودا ئەنجامی باشی هەبێت، بۆیە بافڵ جەلال تاڵەبانی، بە كارێزمایی خۆی، خۆری هیواكانی خەڵكی هەرێمی كوردستان فەراهەمدەكات، دەریشكەوت رێگە و شوێنگەی سەرۆک (مام جەلال) رۆشنە و هیواكانی خەڵكیش تەنیا لای تۆیە”.
