بەڕێوەبەرایەتیی هاتوچۆی سلێمانی رایدەگەیەنێت، کەمێک پێش ئێستا، رووداوێکی هاتوچۆ لەسەر شەقامی مەلیک مەحمود و بە دیاریکراوی لەژێر یەکتربڕی ئارام، لەنێوان دوو ئۆتۆمبێل لە جۆرەکانی (جێب و سایپا) روویدا.
لە راگەیەندراوێکدا، هاتوچۆی سلێمانی بڵاویکردەوە، هۆکاری رووداوەکە دەگەڕێتەوە بۆ خێرایی زۆری شۆفێری ئۆتۆمبێلی جۆری جێب و بێئاگایی لە رەوشی شەقامەکە کە بەهۆی خێراییەکەیەوە، کۆنترۆڵی ئۆتۆمبێلەکە لەدەستدەدات و خۆی دەکێشێت بە ئۆتۆمبێلی جۆری سایپا.
ئاماژە بەوەشدەکات، لە ئەنجامی ئەم رووداوە، شۆفێری ئۆتۆمبێلی جۆری سایپا برینداربوو و رەوانەی نەخۆشخانە کراوە.
