ئەندامێكی ئەنجومەنی نوێنەرانی عێراق رایدەگەیەنێت، بڕیاری كشانەوە و بایكۆتی پرۆسەی سیاسیمان لە عێراق نەداوە و لە هەوڵەكانمان بۆ چارەسەركردنی كێشەی مووچەی مووچەخۆرانی هەرێم بەردەوامدەبین.
غەریب ئەحمەد، ئەندامی ئەنجومەنی نوێنەرانی عێراق لە فراكسیۆنی یەكێتی لە لێدوانێكدا بە تۆڕی میدیایی ئێستای راگەیاند، بەهیچ شێوەیەك بڕیاری بایكۆتمان لە پرۆسەی سیاسی نەداوە و تاوەكو ئێستا هیچ بڕیارێك نەدراوە لە حكومەت و ئەنجومەنی نوێنەرانی عێراق بكشێینەوە.
وتیشی، “داكۆكی لە مافی گەلەكەمان دەكەین و ئەو هەنگاوانەی پێویستن دەیگرینەبەر و لە هەوڵەكانمان بۆ چارەسەركردنی كێشەی مووچەی مووچەخۆرانی هەرێم بەردەوامدەبین”.
