بەڕێوەبەری پسوڵەی خۆراکی سلێمانی، رایگەیاند، جیابوونەوەی هاوسەران کێشە بۆ فۆڕمی ئەلیکترۆنیی خۆراک دروستدەکات.
ئاراس محەمەد، بەڕێوەبەری پسوڵەی خۆراکی سلێمانی، رایگەیاند، زۆرترین گرفت کە لە پڕکردنەوەی فۆڕمی ئەلیکترۆنیی خۆراکدا دروستدەبێت، جیابوونەوەی هاوسەرانە بەجۆرێک هەندێک جار پیاوەکە دەچێتە ناو سیستمەکەوە هاوژینەکەی کە لێی جیابووەتەوە دەکوژێنێتەوە یان بە پێچەوانەوە، ژنەکە داغڵدەبێت و پیاوەکەی دەکوژێنێتەوە.
وتیشی، کێشەیەکی دیکە هەبوونی یاریی پەبجییە لەنێو مۆبایلەکاندا، چونکە وادەکات لۆکەیشنەکە بگۆڕدرێت و بەوەش هاوڵاتییان لە بەشەخۆراکی مانگانە بێبەش دەبن.
