مەسعود پزیشکیان سەرۆک کۆماری ئێران رایدەگەیەنێت، ئەگەر وڵاتەکەی وەڵامی هێرشەکەی ئیسرائیلی نەدابایەوە، ناوچەکە رووبەڕووی شەڕێکی سەرتاسەری و کۆنترۆڵنەکراو دەبووەوە.
پزیشکیان لە لێدوانێکدا بۆ میدیاکانی ئێران رایگەیاند، “دەستدرێژیی ئیسرائیل بۆ سەر ئێران تاوانێکە کە پێشێلکردنی یاسا نێودەوڵەتییەکانە و لەناو دانوستانە ناڕاستەوخۆکانی نێوان ئێران و ئەمریکا، ئەو کارەی ئەنجامداوە”.
ئاماژەی بەوەشکرد، “دەستدرێژیی ئەمریکا بۆ سەر دامەزراوە ئەتۆمییەکان، گورزێکی قەرەبوونەکراوەیە و پێچەوانەی پەیماننامەی قەدەغەکردنی بڵاوبوونەوەی چەکی ئەتۆمییە”.
وتیشی، کۆمەڵگای نێودەوڵەتی نابێت چیتر لێبوردەیی بەرامبەر بە “تاوانەکانی” ئیسرائیل نیشانبدات و داوایشی لە وڵاتان کرد، هێرشەکەی ئیسرائیل شەرمەزار بکەن.
