ئێوارەی ئەمڕۆ گەشتە ئاسمانییەكان لە فڕۆكەخانەی نێودەوڵەتیی سلێمانی دەستیپێكردەوە.
بەپێی راگەیەندراوێكی فڕۆكەخانەی نێودەوڵەتیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای بڕیاری كردنەوەی ئاسمانی عێراق بەروِوی جووڵەی فڕۆكەوانیدا، ئێوارەی ئەمڕۆ یەكەم گەشتی فڕۆكەوانی لەلایەن هێڵی ئاسمانیی عێراقییەوە بۆ فڕۆكەخانەی نێودەوڵەتی سلێمانی و بەپێچەوانەوە ئەنجامدرا.
لە راگەیەندراوەكەدا هاتووە، وابڕیارە هێڵە ئاسمانییەكانی دیكەش بەپێی پلانی خۆیان دوای رێكخستنەوەی خشتەی گەشتەكانیان، گەشتە ئاسمانییەكانیان دەستپێبكەنەوە.
