وەزارەتی بازرگانی و پیشەسازی هەرێم بڵاویکردەوە، تا ئێستا زیاتر لە 147 هەزار تۆن گەنم لە جوتیارانی هەرێم وەرگیراوە.
بەپێی ئەو داتایانەی وەزارەتی بازرگانی و پیشەسازیی هەرێم بڵاویکردوونەتەوە، لە سەرەتای وەرزی بەبازاڕکردنی گەنمەوە، 38 هەزار و حەوت تۆن و 485 کیلۆ گەنمی جوتیارانی هەولێر و 59 هەزار و 526 تۆن و 10 کیلۆ گەنمی جوتیارانی سلێمانی وەرگیراوە.
ئاشکراشیکرد، لە سنووری دهۆک 49 هەزار و 714 تۆن و 480 کیلۆ گەنمی جوتیارانی دهۆک وەرگیراوە و پرۆسەکەش بەردەوامیی هەیە.
