وەزارەتی گواستنەوە و گەیاندنی عێراق، رایگەیاند، گەشتە ئاسمانییەکان دەستپێدەکەنەوە.
مەیسەم سافی، وتەبێژی وەزارەتی گواستنەوە و گەیاندنی عێراق، رایگەیاند، لە ژێر رۆشنایی هەڵسەنگاندنی گەشتە ئاسمانییەکانی عێراق و رەزامەندیی دەسەڵاتی فڕۆکەوانیی مەدەنیی عێراق، ئاسمانی عێراق بەڕووی هاتوچۆی فڕۆکەکان بۆ ناوچەکانی باشووری وڵات کراوەتەوە.
وتیشی، کارەکان بەردەوامن بۆ هەڵسەنگاندنی ئاسمانی وڵات بەگشتی بەمەبەستی کردنەوەی بەڕووی هاتوچۆی فڕۆکەکاندا لە سەرتاسەری عێراقدا.
