ئێوارەی ئەمڕۆ لە گوندی بۆگدی سنووری قەزای کۆیە، باوکێک و دوو منداڵی لە ئاوی زێی بچووک خنکان و تا ئێستا تەرمی باوکەکە و منداڵێکیان نەدۆزراونەتەوە.
بەڕێوەبەرایەتیی بەرگریی شارستانیی کۆیە بڵاویکردەوە، ئێوارەی ئەمڕۆ باوکێک و دوو منداڵی بە رەگەز نێر، کە بە رەگەز عەرەبن لە گوندی بۆگد لە ئاوی زێی بچووک خنکان.
ئاماژەی بەوەشکرد، باوکەکە ناوی د. خالیدە و مامۆستای زانکۆی کۆیەیە و خەڵکی شاری بەغدادە، لە ئێستادا تەرمی یەکێک لە منداڵەکانی دۆزراوەتەوە، گەڕان بەدوای تەرمی خۆی و منداڵەکەی دیکە بەردەوامە.
