محەمەد شیاع سودانی، سەرۆك وەزیرانی عێراق پێشێلكردنی سەروەریی خاكی عێراق رەتدەكاتەوە و دەشڵێت، “هەموو رێوشوێنێكی یاسایی دەگیرێتەبەر”.
بەپێی راگەیەندراوێكی نووسینگەی راگەیاندنی سەرۆك وەزیرانی عێراق كە تێیدا هاتووە، محەمەد شیاع سودانی، سەرۆك وەزیرانی عێراق لەگەڵ د. لەتیف رەشید سەرۆك كۆماری عێراق كۆبووەتەوە و دوایین گۆڕانكارییەكان تاوتوێكراوە.
ئاماژە بۆ ئەوەش كراوە، لە دیدارەكەدا تەئكید لە پاراستنی سەروەریی خاكی عێراق كراوەتەوە و هەموو پێشێلكارییەك بۆ سەروەریی خاكی عێراق رەتكراوەتەوە و پاڵپشتیی حكومەتیش بۆ گرتنەبەری رێوشوێنی یاسایی جەختیلێكراوەتەوە.
