ئیسرائیل خاپوورکردنى ناوەندێکى بەرهەمهێنانى یۆرانیۆم لە ئەسفەهان رادەگەیەنێت.
سوپاى ئیسرائیل رایگەیاند، لە ئەسفەهان باڵەخانەیەکى تایبەت بە بەرهەمهێنانى یۆرانیۆمى کانزایى و ژێرخانى گۆڕینى یۆرانیۆمى پیتێندراو و تاقیگەکانى وێرانکردووە.
بەرەبەیانى دوێنێ ئیسرائیل هێرشێکى چڕوپڕى بۆ سەر تاران و ژمارەیەک شار و ناوچەى دیکەى ئێران ئەنجامدا و بەهۆیەوە چەندین سەرکردەى سەربازى و زاناى ئەتۆمى کوژران، جگە لە تێکدانى ژێرخانى سەربازى و ئەتۆمى.
شەوى رابردووش ئێران بە هێرشێکى هاوشێوە وەڵامى ئیسرائیلى دایەوە و چەندین ناوچەى لە تەلئەبیب و شارەکانى دەوروبەر کردە ئامانج.
