فڕۆکەیەکی هیندی بە 300 سەرنشینەوە دوای ماوەیەکی کەم لە هەڵفڕینی کەوتەخوارەوە و تا ئێستا چارەنووسیان نادیارە.
میدیاکانی هیندستان بڵاویانکردەوە، بەیانی ئەمڕۆ پێنجشەممە فڕۆکەیەکی سەر بە هێڵی ئاسمانیی هیندستان کە ویستوویەتی لە فڕۆکەخانەی ئەحمەد ئاباد بەرەو لەندەنی پایتەختی بەریتانیا بەڕێبکەوێت، لە ناوچەی میگانی ناجار لە نزیک فڕۆکەخانەکە کەوتووەتە خوارەوە.
ئاماژەیان بەوەشکرد، فڕۆکەکە نزیکەی 300 کەسی هەڵگرتووە، دوای رووداوەکە ئاگری گرتووە، بەڵام هیچ زانیارییەک لەبارەی چارەنووسی سەرنشینەکان ئاشکرانەکراوە.
