وتەبێژى دەم پارتى رایدەگەیەنێت، ئۆجەلان داوای دیداری ژمارەیەک سەرۆک حیزب و سیاسەتمەدارى کردووە.
ئایشەگوڵ دۆغان، وتەبێژی پارتى یەکسانى و دیموکراسیی گەلان (دەم پاتى) ئەمڕۆ لە کۆنگرەیەکى رۆژنامەوانیدا رایگەیاند، عەبدوڵا ئۆجەلان، رێبەرى زیندانیکراوى پارتى کرێکارانى کوردستان “پەکەکە” داواى دیدارى ژمارەیەک سەرۆک حیزب و سیاسەتمەدارى کوردى کردووە، لەوانەش بافڵ جەلال تاڵەبانی، مەسعود بارزانی، مەزڵوم عەبدی، نێچیرڤان بارزانی و قوباد تاڵەبانی.
وتیشی، “باوەڕمانوایە کە دەبێت ئەم کۆبوونەوانە هەرچی زووە ئەنجامبدرێن و سوودبەخش دەبن”.
لە چوار مانگى رابردوودا شاندى دەم پارتى پێنج سەردانى بۆلاى عەبدوڵا ئۆجەلان ئەنجامدا.
