بەڕێوەبەرایەتیی گشتیی گەشتوگوزاری هەڵەبجە رایدەگەیەنێت، لە رۆژانی جەژنی قورباندا، پێشوازییان لە زیاتر لە 100 هەزار گەشتیار و سەردانیکەر کردووە.
بەپێی راگەیەندراوێکی بەڕێوەبەرایەتیی گشتیی گەشتوگوزاری هەڵەبجە کە وێنەیەکی دەست تۆڕی میدیایی ئێستا کەوتووە و تێیدا هاتووە، لە رۆژانی جەژنی قورباندا، هیچ حاڵەتێکی نەخوازراو رووینەداوە و پێشوازییان لە زیاتر لە 100 هەزار گەشتیار و سەردانیکەر کردووە، کە سەردانی ناوچە گەشتیارییەکانی پارێزگای هەڵەبجەیان کردبوو.
ئاماژەی بەوەشکرد، لە رۆژانی جەژندا، چوار هەزار و 333 گەشتیار لە پارێزگاکەدا ماونەتەوە.
دەشڵێت، “تیمەکانی بەڕێوەبەرایەتیی گشتیمان، توانیویانە 86 ئاگادارکردنەوە بۆ چەند شوێنێکی گەشتیاری بکەن و حەوت شوێنی گەشتیارییش، سزابدرێن”.
