بەپێى ئامارێکى رەسمى لە سێیەم رۆژى جەژندا دوو حاڵەتى گەستنى سەگ و دوو حاڵەتى پێوەدان لە هەولێر روویانداوە.
نەخۆشخانەى رزگاریی فێرکارى لە هەولێر ئامارەکانى سێیەم رۆژى جەژنى بڵاوکردەوە و رایگەیاند، 672 حاڵەتى سەردانیان هەبووە، کە لەو ژمارەیە 511یان راوێژکارى و 161 حاڵەتیش فریاکەوتن بووە.
روونیشیکردەوە، لەو رۆژەدا “16 حاڵەتى رووداوى هاتوچۆ و ماتۆڕسکیل، هەشت بەربوونەوە، دوو گەستنى سەگ، چوار سکچوون و رشانەوە، دوو پێوەدان، یەک ژەهراویبوون بە دەرمان و دوو حاڵەتى مردن” تۆمارکراون.
نەخۆشخانەکە ئاماژەشدەدات، هیچ حاڵەتێک بەهۆى شەڕکردنەوە تۆمارنەکراوە.
