ناوەندی توێژینەوەی ئەڵمانی بۆ زانستە جیۆلۆجیەکان رایگەیاند، ئێوارەی ئەمڕۆ بوومەلەرزەیەک بە گوڕی 6.5 پلەی رێختەر، لە کۆڵۆمبیا روویدا.
بەپێی راگەیەندراوێکی ناوەندی توێژینەوەی ئەڵمانی بۆ زانستە جیۆلۆجیەکان، بوومەلەرزەکە لە شاری بۆگۆتا-ی پایتەخت روویداوە و لە سەرانسەری شارەکەدا زەنگی ئاگادارکردنەوە لێدرا و خەڵک بەپەلە هاتنە دەرەوەی باڵەخانەکان.
ناوەندەکە ئاماژەی بەوەشکردووە، بوومەلەرزەکە لە قووڵایی 10 کیلۆمەتر بووە.
بەپێی زانیاریی میدیا جیهانییەکان، جگە لە زیانە ماددییەکان، هیچ زیانێکی گیانیی لێنەکەوتووەتەوە.
