وتەبێژی بەرگریی شارستانیی سلێمانی رایگەیاند، “ئاگر لە شوقەیەکی یەکێک لە پرۆژەکانی نیشتەجێبوون کەوتەوە”.
ئارام عەلی، وتەبێژی بەرگریی شارستانیی سلێمانی بە رۆژنامەنووسانی راگەیاند، ئاگر لە شوقەیەکی پرۆژەی نیشتەجێبوونی میکس تاوەر کەوتەوە، تیمەکانی بەرگریی شارستانی گەیشتنە شوێنی رووداوەکە و توانرا بە کەمترین ماوە کۆنترۆڵبکرێت.
لەبارەی هۆکاری ئاگرەکە، ئارام عەلی وتی، تاوەکو ئێستا هۆکارەکەی نازانرێت و تیمەکان سەرقاڵی لێکۆڵینەوەن.
جگە لە زیانی ماددی، ئاگرەکە هیچ زیانێکی گیانی نەبووە، وتەبێژی بەرگریی شارستانیی سلێمانی وایوت.
