نێچیرڤان بارزانی سەرۆكی هەرێمی كوردستان پەیامێكی بڵاوكردەوە و دەڵێت، “كێشەی مووچەخۆران دەبێت بە گفتوگۆ و لێكتێگەیشتن چارەسەربكرێت”.
لە پەیامەكەیدا هاتووە، بەبۆنەی هاتنەوەی جەژنی قوربانەوە، جوانترین و گەرمترین پیرۆزبایی پێشكەش بە هەموو موسڵمانان لە هەرێمی كوردستان، عێراق و جیهان دەكەم. لە خوای مەزن داواكارم جەژن بە خێر و خۆشی بگەڕێتەوە و ئارامی، ئاسوودەیی و كامەرانی بۆ هەمووان لەگەڵ خۆیدا بهێنێت.
دەشلێت، “كێشەی مووچەخۆرانی هەرێمی كوردستان، دەبێت بە گفتوگۆ و لێكتێگەیشتن و لەسەر بنەمای دەستوور و یاسا و رێككەوتنەكان چارەسەربكرێت كە خزمەت بە بەرژەوەندیی گشتیی وڵات بكات و هەموو ڕێگاچارەیەكی دەستووری دەگرینەبەر”.
