پۆلیسی سلێمانی دەستگیرکردنی باندێکی دزینی ماتۆڕسکیل رادەگەیەنێت.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی چەند هاوڵاتییەک سکاڵایان تۆمارکرد کە ماتۆڕسکیلیان لێدزرابوو، دەستبەجێ هێزەکانی پۆلیس لێکۆڵینەوەکانیان دەستپێکرد و پاش وەرگرتنی بڕیاری دادوەر، توانرا لەماوەیەکی کەمدا تۆمەتباران بدۆزرێنەوە و لەلایەن مەفرەزەکانی نووسینگەی كوردساتی بەشی پۆلیسی نەهێشتنی تاوانی سلێمانییەوە دەستگیربکرێن.
باس لەوەشدەکات، تۆمەتباران دانیان بە تاوانەکەیاندا ناوە و بە بڕیاری دادوەرو بەپێی ماددەی 446 لەیاسای سزادان راگیراون و لێکۆڵینەوەکان بەردەوامن.
