هونەرمەندی شێوەکاری کورد قەرەنی جەمیل بەهۆی نەخۆشییەوە کۆچی دواییکرد.
ئەمڕۆ سێشەممە هونەرمەندی کورد قەرەنی جەمیل دوای ململانێیکی زۆر لەگەڵ نەخۆشی شێرپەنجە لە یەکێک لە نەخۆشخانەکانی هەولێر کۆچی دواییکرد.
قەرەنی جەمیل لە ساڵی 1954 لە شاری هەولێر لەدایکبووە، یەکەمین پێشانگەی تایبەتیی خۆی لە 1977 لە هۆڵی قوتابخانەی ئەیوبیەی هەولێر کردووەتەوە، دواتریش دەیان پێشانگەی دیکەی لە ناوەوە و دەرەوەی وڵات کردووەتەوە.
