ئەندامێکی ئەنجومەنی نوێنەرانی عێراق رایدەگەیەنێت، ئەو جوتیارانەی لە کەرکوک وەرگرتنی گەنمەکانیان رەتکرایەوە لە بەغداد پشکنینیان بۆدەکرێتەوە.
دیلان غەفور، ئەندامی ئەنجومەنی نوێنەرانی عێراق رایگەیاند، دەربارەی کێشەکانی جوتیاران بەتایبەت رەتکردنەوەی وەرگرتنی گەنمەکانیان لە کەرکوک، گفتوگۆمان لەگەڵ حەیدەر گڕعاوی، بەڕێوەبەری گشتیی بازرگانیی دانەوێڵە لە وەزارەتی بازرگانیی عێراق کرد.
دەشڵێت، گەیشتینە ئەو ئەنجامەی ئەو جوتیارانەی وەرگرتنی گەنمەکانیان رەتکراوەتەوە کە 20 بارهەڵگر گەنمە، نمونەیان لێوەردەگیرێت و بە مەبەستی وەرگرتنیان، لە بەغداد جارێکی دیکە پشکنینیان بۆ دەکرێتەوە.
