وتەبێژی کۆمسیۆنی عێراق رایگەیاند، “زیاتر لە 33 هەزار ئاوارە کارتی دەنگدانیان نوێکردووەتەوە”.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق بە تۆڕی میدیایی ئێستای راگەیاند، تاوەکو کۆتایی دەوامی رۆژی رابردوو، 33 هەزار و 141 ئاوارە کارتی بایۆمەتریی دەنگدانیان نوێکردووەتەوە.
باسی لەوەشکرد، بەپێی یاسای هاڵبژاردن ئاوارەکانی شەنگال دەتوانن هەم لە ناوەوە هەم لە دەرەوەی کەمپەکانیش دەنگبدەن، بەڵام ئاوارەکانی دیکە تەنها لە ناو کەمپەکان دەتوانن دەنبدەن.
بەپێی ئامارەکانی کۆمسیۆن، جگە لە ئاوارەکان کۆی گشتیی ئەو دەنگدەرانەی کارتی بایۆمەترییان نوێکردووەتەوە ملیۆنێک و 613 هەزار و 421 کەسن.
رۆژی 11ی تشرینی دووەمی ئەمساڵ بۆ ئەنجامدانی هەڵبژاردنی ئەنجومەنی نوێنەرانی عێراق دیاریکراوە و لایەنە سیاسییەکانی عێراق و هەرێمی کوردستان کێبڕکێی بەدەستهێنانی کورسییەکانی ئەنجومەنەکە دەکەن.
