ئەنجومەنی وەزیرانی هەرێم بڕیاریدا، مامەڵەكردن لەگەڵ كۆمپانیاكانی ئاڵوگۆڕی ئەلیكترۆنی(فۆڕێكس) قەدەغەبكات.
بەپێی نووسراوێكی ئەنجومەنی وەزیرانی هەرێم كە واژووی د. ئومێد سەباح سەرۆكی دیوانی ئەنجومەنی وەزیرانی هەرێمی لەسەرە و تێیدا هاتووە، لەپێناو بەرژەوەندیی گشتی و پاراستنی موڵك و ماڵی هاوڵاتیان ، سەرۆكایەتی دیوانی ئەنجومەنی وەزیران مامەڵەكردنی لەگەڵ كۆمپانیاكانی ئاڵوگۆڕی ئەلیكترۆنی( فۆڕێكس) قەدەغەدەكات.
لە نووسراوەكەدا ئاماژە بۆ ئەوەش كراوە،سەرۆكایەتیی ئەنجومەنی وەزیران وەزارەتی ناوخۆ و سەرجەم لایەنە پەیوەندیدارەكانی راسپاردووە بە پێكهێنانی لێژنەیەك بۆ داخستنی سەرجەم ئەو كۆمپانیایانەی لەبواری ئاڵۆگۆڕی ئەلیكترۆنی (فۆڕێكس) لەژێر ناوی جۆراوجۆر كاردەكەن.
