هەڤاڵ سدیق گەڵۆزی شارەزای بواری كەشناسی رایگەیاند، سبەی هەینی لە كاتەكانی نیوەڕۆ بۆ ئێوارە ئەگەری تاوەبارانی كورتخایەن لە چەند ناوچەیەك هەیە.
راشیگەیاند، لە ئەنجامی هەڵگەڕانەوەی هەوری باراناوی لە ناوچەكانی باكووری كوردستانەوە بۆ هەندێك لە ناوچە شاخاوییە سنوورییەكانی پارێزگای دهۆك و ئیدارەی سەربەخۆی راپەڕین لە كاتەكانی نیوەڕۆ بۆ ئێوارە ئەگەری تاوەبارانی كورتخایەن هەیە.
دەشڵێت، “بەهۆی زیاتربوونی كاریگەریی بارستە هەوایەكی ساردی مامناوەندی بۆ تەواوی ناوچە جیاوازەكانی هەرێم، پلەكانی گەرما دابەزینی زیاتر بەخۆیەوە دەبینێت بە بەراورد لەگەڵ ئەمڕۆ پێنجشەممە كەشێكی تەواو بەهاری لە ناوچە شاخاوییەكان دروستدەبێت و پلەكانی گەرما بۆ خوار 30 پلەسیلیزی دادەبەزێت و لە شەواندا كەشوهەوا فێنك دەبێت.
