وەزارەتی دارایی هەرێمی كوردستان بە زمانی عەرەبی وەڵامی وەزیری دارایی عێراق دەداتەوە و دەڵێت،” دیاریكردنی پشكی هەرێمی كوردستان بەپێی خەرجیی راستەقینە پێچەوانەی دەستوورە”.
لە راگەیەندراویكدا وەزارەتی دارایی هەرێمی كوردستان هاتووە، حكومەتی عێراق بۆ ئەمساڵ تەنها چوار ترلیۆن دیناری ناردووە و پێویستە نۆ ترلیۆن دیناری دیكە بۆ هەرێمی كوردستان بنێرێت.
ئاماژە بۆ ئەوەش كراوە، بە پێی دەستوور و بڕیاری دادگای فیدراڵیی عێراق دەبێت وەزارەتی دارایی عێراق بەردەوام بێت لە ناردنی مووچەی مووچەخۆرانی هەرێم.
ئەوەشخراوەتەڕوو، داهاتی هەرێمی كوردستان لە نووسراوەكە یەكلایەنانە خەمڵێندراوە و داهاتی نەوتی لە نووسراوەكەدا بەبێ هەژماركردنی تێچووی دەرهێنان، گواستنەوە و بەكارهێنانی بۆ ناوخۆ هەژماركراوە.
