هەردوو وەزارەتی کار و کاروباری کۆمەڵایەتی و وەزارەتی پەیوەندییەکانی عێراق رایانگەیاند، 100 هەزار دینار جەژنانە دەدەنە خانەنشینان و فەرمانبەرانیان.
ئەمڕۆ پێنجشەممە، وەزارەتی کار و کاروباری کۆمەڵایەتیی عێراق لە راگەیەندراوێکدا بڵاویکردەوە، بەبۆنەی هاتنی جەژنی قوربانەوە، جەژنانەیەک بە بڕی 100 هەزار دینار دەدرێت بە خانەنشینانی چاودێریی کۆمەڵایەتیی سەر بە وەزارەتەکە.
هاوکات، هەیام یاسری، وەزیری پەیوەندییەکانی عێراق رایگەیاند، سەرجەم فەرمانبەرانی وەزارەتەکە (هەمیشەیی، کاتی، کرێی رۆژانە، ئەوانەی لەلایەن لایەنە دەرەکییەکانەوە راسپێردراون، کارمەندانی پاراستنی بارەگای وەزارەت و ئاسایشی کەسی)، بڕی 100 هەزار دیناری جەژنانە دەدرێت بە هەر یەکێکیان.
