راوێژکاری ئابوریی سودانی رایگەیاند، “پەیوەندیی نێوان بەغداد و هەولێر لە ئاستێکی باش و سەقامگیردایە”.
مەزهەر محەمەد ساڵح، راوێژکاری ئابوریی محەمەد شیاع سودانی، سەرۆک وەزیرانی عێراق رایگەیاند، پەیوەندیی نێوان هەولێر و بەغداد ئێستا لە ئاستێکی باش و سەقامگیردایە.
باسی لەوەشکرد، “تاوەکو ئەو کاتەی هەولێر و بەغداد پابەندبن بە جێبەجێکردنی یاسای بودجەوە هیچ کێشەیەکی دارایی لەنێوانیان روونادات”.
وتیشی، حکومەتى عێراق سوورە لەسەر جێبەجێکردنی یاسای بودجە لە بەرژەوەندیی هاوڵاتییانی هەرێمی کوردستان و سەقامگیریی ئابوریی هەرێم بەپێی یاسای بودجە لە بەرژەوەندیی عێراقدایە.
